ჩვენი მისია

თუშეთის დაცული ლანდშაფტი წარმოადგენს თუშეთის დაცული ტერიტორიების ნაწილს (თუშეთის სახელმწიფო ნაკრძალთან და თუშთის ეროვნულ პარკთან ერთად) და მოიცავს 31,517 ჰა-ს.
ლანდშაფტის შექმნის მიზანია:
(ა) თუშეთის უნიკალური ეკოსისტემების, მემკვიდრეობის ძეგლთა და ლანდშაფტის შენარჩუნება და დაცვა.
(ბ) ლანდშაფტის განვითარებისთვის საჭირო ინფრასტრუქტურის შექმნა;
(გ) თუშეთის ხალხური შემოქმედების ტრადიციათა შენარჩუნება და განვითარება;
თუშეთის დაცული ლანდშაფტის ტერიტორიაზე დაშვებულია მხოლოდ:
(ა) გარემოს, ისტორიისა და კულტურის ძეგლების დაცვა და აღდგენა;
(ბ) სამეცნიერო-კვლევითი საქმიანობა;
(გ) თუშეთის ეკოსისტემისა და მის ფარგლებში გავრცელებულ გარეულ ცხოველთა და ველურ მცენარეთა სახეობების დაცვა და აღდგენა;
(დ) რეკრეაციულ–ტურისტული და საგანმანათლებლო საქმიანობა;
(ე) ტრადიციული სამეურნეო საქმიანობა;
(ვ) ტურიზმის განვითარებისათვის შესაბამისი ინფრასტრუქტურის მოწყობა.